رحاب بدأت طريقها وهي عندها بس ٩ سنين!
كانت بتقف في كوافير، تتعلم وتشوف وتحاول… شغلانة دخلتها عن حب، وكملت فيها باحتراف.
كبرت رحاب، وكبر معها الحلم…لكن الظروف ماكانتش سهلة… فقررت تعتمد على نفسها.
عملت جمعيات، وفضلت تحوش وتخطط في السر، لحد ما فتحت أول محل ليها في المنصورة من غير ما حد من أهلها يعرف كان صغير وبسيط… بس كان بداية كبيرة.

رحاب ماوقفتش عند كده… بعد تعب وسنين شغل، حوّشت من جديد، ونقلت على القاهرة، وفتحت كوافير بسيط، لكن بروح جديدة. وهنا كانت النقلة الحقيقة… لما اتعرفت على مؤسسة التضامن سنه 2021وقدرت فى خمس سنين مع تمويلات مختلفة من مؤسسة التضامن إنها تكبر اكتر

أخدت أول تمويل سنه 2021 بـ3.500 جنيه ومن هنا بدأت توسع مشروعها خطوة بخطوة،ومع كبر المشروع بتكبر الخطوه اكتر.. ومع كل قسط كانت بتثبت إنها قد المسؤولية لحد ماقدرت تاخد اخر تمويل سنه 2025 مقداره 18000جنيه ..هى اثبتت ان حب الناس ليها، وتعاملها الحلو، خلاها تكبر أكتر وتفتح محل في مكان أحسن.

رغم إنها أم لأربع اطفال، قدرت تربيهم صح وتدخلهم مدارس تجريبية، وكمان علمتهم يساعدوها في الشغل.
رحاب… ست مصرية جدعة، بدأت من ولا حاجة… ووصلت لحلمها بإيدها وتعبها،
ومع “التضامن”، لقت الدعم اللي كانت محتاجاه علشان تكبر …..