فوزية، ٥٠ سنة، متزوجة ولديها ٣ أولاد. لما اتجوزت كان شغل زوجها وأهله انهم يعملوا شماسي وحصير ومشنات من حطب الحنة.
عرفت مؤسسة التضامن من ٢٠٠٩ وبدأت ب ٧٥٠ جنيه ودلوقتي وصلت ل ٢٠ ألف جنيه، قدرت تكبر مشروعها وتزود عمالة. عدد العاملين في مشروعها ٦ أفراد (هي وزوجها وأولادها الثلاث وعامل).
بتشتري المواد الخام من الصعيد في شهر أغسطس، زوجها المسئول عن السفر لأسوان لشراء حطب الحنة، بيشتروا الكميات بالطن وتكلفته ٣٠٠٠ جنيه. بيسوقوا منتجاتهم السياحية زي الشماسي لمنتجعات في الغردقة ومرسى علم. تكلفة الشمسية الواحدة ٢٠٠ جنيه وفوزية بتبيعها ب ٣٠٠ جنيه.
فوزية بتشكر التضامن وقالت: “أنا من غيرهم مكنتش عملت حاجه ومكنتش وصلت للكميات اللي بتنتجها”. وأصرت فوزية انها تشكر زوجها وأبو عيالها “ربنا يخليك لينا وديماً حسك بالدنيا وشكراً على وقفتك معانا أنت الأساس”.